無悔,大學最後一年

https://fbcdn-sphotos-c-a.akamaihd.net/hphotos-ak-frc3/t1.0-9/1375107_809059219121614_8126363171088175209_n.jpg

 

大學生除左上大學必做五件事(拍拖,住hall,上莊,走堂,Part-time)之外,理所當然梗係要讀書。
但係我就認為大學短短得三/四年,係真正踏入職場前既最後幾年,我覺得要做 Something Big!

因為,畢業之後開始真正上班工作,係一種束縛,係對自由既束縛--我再唔可以任性追求自己鍾意既野。所以,我成日同人講YOLO,有咩新野就試下玩,唔好驚。試下之嘛又唔洗死既,最多咪「七」,轉過頭人地都唔記得你啦。

YOLO,可能係好多人既口頭禪,甚至好多人濫用左依個Term。我既「YOLO」係指 Live your life without regrets

唔好做一啲「唔做後悔」既事,要做「做完後悔」「做過唔後悔」既事!雖然聽落好蠢,但係「做過」既事會成為你老左之後其中一樣值得懷念既回憶。
例如:我有不少朋友係香港或英國創業、做留學生媒體創作、開 Design Studio、去歐洲或美國做 Exchange、做 Working Holiday 等等。我實在好 impressive,大學唔做仲等幾時做!畢左業你就被困住了自由!

  • 唔好理會別人既目光,就當「別人笑我太瘋癲,我笑他人看不穿」。

  • 唔好理會旁邊人既指指點點或批評對與錯,只有你自己最清楚自己。你認為對的就是對的。

  • 唔好執著自己做既決定對或錯,錯左唔緊要,只要你識得從錯誤中學習。你只需要對自己交代。*

所以我好欣賞一位現正於香港理工大學讀書既朋友,
佢既 Final Year Project 叫做「盛宴@西洋菜街」
大學最後一年當然要做一啲有Noise既大事!對社會有貢獻既事!

 

 

就是一桌盛宴既 fine dining,展示係旺角西洋菜街,供人觀賞及影相留下紀念,發起對「珍惜食物」的反思。
以上既短片及整個「盛宴」project 係由一名理大既 finalist, King 所製作的。(當然協作既人都有不少!哈哈!)

King 認為:

香港近年開始關注「源頭減廢」既問題,但係相比其他國家,香港其實非常落後名後知後覺。與其長時間等待政府實施法例,不如由自己做起。

現時香港做既campaign太過直接,大眾市民唔會 bear in mind 更唔會記係心入面,其實人人都了解浪費食物既壞處同點樣減少垃圾及廚餘,只係大家已經當成係習慣,沒有動力去改變。

我想做既唔係要向廣大市民說教,只係作一個小小既提醒,用一個大家都可以參與同受樂既方法去轉達依個簡單信息,令到大家都可以重新注意要珍惜食物!

https://www.facebook.com/refined.dining

 

請大家多多支持「盛宴@西洋菜街」。
從「盛宴@西洋菜街」,希望大家能夠重拾你地「如何要珍惜食物」既記憶,重新出發,去關心同正視「浪費食物」既問題。

亦,重拾對香港的愛和支持。

 

 

 

Medium Raw 編輯 – Michee

*我係比較social liberalist同個人主義,有所冒犯先抱歉謝錯。